Færsluflokkur: Bloggar
Já nú er tæknin orðin svo mikil að það er hægt að laga flest alla galla okkar.
Ég skellti mér í aðgerð og lét laga sjónina og næst verður það nefið reyndar er það nauðsynleg aðgerð því aumingja nebbinn minn er skakkur að innan. Þetta veldur því að ég næ oft ekki andanum en því miður aldrei á réttum tíma. Eins og t.d. í morgun þegar inn á kontórinn kom sá verst lyktandi maður sem ég veit um. Nei þá var nebbinn minn ekkert á því að lokast. Úff ég var rétt við að kafna þegar karlfauskurinn fór og mikið létti mér. Ég sá að hann stal uppáhalds pennanum mínum en ákvað að segja ekki orð því þá yrði hann lengur fyrir framan mig.
Því miður datt honum í hug að spyrja að nokkrum atriðum í viðbót og snéri því við á útleiðinni og ég hörfaði eins og ég gat út undir vegg. Allt kom fyrir ekki, ég fann þessa líka viðbjóðslegustu lykt sem ég hef fundið.
Þetta var einhverskonar blanda af svita, táfýlu, reykinga, hesta og já Guð má vita hverskonar annari lykt. Já það er sko mikið á mann lagt suma daga.
Bloggar | 19.2.2007 | 13:02 | Slóð | Facebook | Athugasemdir (0)
Reyndar er veskan enn hér en það virðast samt ansi margir hlutir vera að hverfa frá mér þessa dagana. T.d. barnabæturnar, þær hurfu já og húsaleigubæturnar, blessuð sé minning þeirra
Ég fór til augnlæknis í skoðun fyrir aðgerðina mína um daginn og fékk þá þessa fínu skýringamöppu. Ég lagði hana í farþegasætið í bílnum á meðan ég fór inn í vinnu en þegar ég kom aftur út var hún horfin.
Um daginn þegar ég var að klæða mig eftir æfingu og ætlaði að grípa brjóstarhaldarann þá var hann horfinn. Ég neyddist til að fara brjóstarhaldaralaus í bílinn, það hefur ekki gerst í..í...í...ja við skulum ekkert ræða það.
Svo í morgun þá versnaði verulega í því. Eftir æfingu og sturtu komst ég að því að nærbuxurnar mínar voru horfnar
Reyndar fékk ég bæði nærbuxurnar og haldarann til baka svo....þú sem færð fötin mín lánuð!
Gætirðu ekki bara skilað flottari fötum í staðinn
Bloggar | 2.2.2007 | 08:28 (breytt kl. 08:30) | Slóð | Facebook | Athugasemdir (3)
Ég elska hvað Færeyingar einfalda allt.
T.d. er forstjóri hjá þeim bara stjóri, ritari er skrivari og meðlimur er bara limur
Bloggar | 1.2.2007 | 11:08 | Slóð | Facebook | Athugasemdir (0)
HM: Íslenskt hugvit á bak við sigurmark Dana | |
Tilkynna um óviðeigandi tengingu við frétt |
Bloggar | 31.1.2007 | 10:33 (breytt kl. 10:37) | Slóð | Facebook | Athugasemdir (0)
Ok ég er kannski ekki blind en ég ætla samt að losna við þessi óþolandi gleraugu.
Já mín ætlar bara að skella sér í aðgerð á augunum. Þetta kostar að vísu slatta en hvað um það, ég er íslendingur og íslendingar safna skuldum, það er bara þannig.
Þá er bara að fara í búð að kaupa sér flott sólgleraugu, það er víst nauðsynlegt að nota þau svona fyrsta daginn og jafnvel næsta dag á eftir aðgerð. Ég hef ekki getað notað sólgleraugu frá því ég neyddist til að ganga með hin svo það er kominn tími á það, loksins.
Bloggar | 30.1.2007 | 09:26 | Slóð | Facebook | Athugasemdir (0)
Já það eru mörg skemmtileg símtölin sem ég fæ hér.
Góðan dag.
Já góðan dag get ég fengið viðhaldið?
Hmmm (hvað ætli konunni hans finnist um það?)
Já eða viðhaldsdeildina.
Já gjörðu svo vel.
Annað skemmtilegt símtal.
Góðan dag.
Já góðan dag, er Stella Olsen? (Í þessum tón:get ég fengið að tala við Stellu)
Já (Stella ER Olsen)
Löng þögn
Uuu já get ég þá fengið að tala við hana?
Já gjörðu svo vel.
Bloggar | 18.1.2007 | 13:50 | Slóð | Facebook | Athugasemdir (0)
Já ég veit að það er órtúlegt en ég er samt á fullu í Sporthúsinu.
Mæti 6 sinnum í viku og engin miskunn. Og eins og það sé ekki nógu ótrúlegt þá passa ég mataræðið líka.
Já ný og duglegri Sigga. Þetta er þó ekki áramótaheiti hjá mér því ég trúi ekki á svoleiðis.
Bloggar | 18.1.2007 | 13:16 | Slóð | Facebook | Athugasemdir (0)
Er búin að vera að panta jólagjafirnar á fullu hjá Target og er alveg farin að elska þá búð. Hún á bara allt sem mig vantar og ég elska að versla á netinu. Svo er ég búin að vera á spjalli við konu sem býr í Texas og ég var bara alveg komin með fiðring í tærnar að flytja út, alveg þangað til ég frétti að þar tíðkaðist bara tveggja vikna sumarfrí! Já þar með næstum dó draumurinn minn. Enn eru þó smá leifar af honum því ég held að það sé auðveldara fyrir mig að komast í nám þar. Maður verður að eiga einhvern smá draum þó maður viti að hann sé kannski bara bull en allavega er hægt að læra dýralækninn og fleiri greinar tengdar dýrum þar sem ekki eru kenndar hér, þó svo að ef ég flytti út myndi ég eflaust enda sem skrifstofublók eins og hér heima.
Bloggar | 1.11.2006 | 09:16 (breytt kl. 09:21) | Slóð | Facebook | Athugasemdir (0)
Á þriðjudagsmorguninn hringdi forstjórinn í mig í úr sumarfríinu sínu bara til að tilkynna mér það að hann væri sko í 23 stiga hita og sól. Góður!!
Svo í gær var frábært veður hér (loksins) svo ég ákvað að stinga af úr vinnunni aðeins fyrr. Þegar ég settist inn í bílinn sýndi hitamælirinn 23 gráður. Ég flýtti mér að taka mynd af mælinum með símanum mínum og sendi forstjóranum með þeim skilaboðum að það væru sko fleiri í 23 stiga hita
Bloggar | 21.7.2006 | 18:25 (breytt kl. 18:29) | Slóð | Facebook | Athugasemdir (0)
Bloggar | 13.7.2006 | 15:26 (breytt kl. 15:26) | Slóð | Facebook | Athugasemdir (0)
Sept. 2024 | ||||||
S | M | Þ | M | F | F | L |
---|---|---|---|---|---|---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |
Heimsóknir
Flettingar
- Í dag (20.9.): 0
- Sl. sólarhring: 1
- Sl. viku: 2
- Frá upphafi: 0
Annað
- Innlit í dag: 0
- Innlit sl. viku: 1
- Gestir í dag: 0
- IP-tölur í dag: 0
Uppfært á 3 mín. fresti.
Skýringar